ನಮ್ಮ ಕರ್ನಾಟಕದ ವಿಷಯ ಯೋಚಿಸಿದಾಗ ಎಷ್ಟು ಮುಂದುವರೆದಿದ್ದೇವೆ ಎಂದು ಹೆಮ್ಮೆಯಾಗುತ್ತದೆ. ಅಲ್ಲವೇ? ಮೈಸೂರು ನಗರಕ್ಕೆ ಹತ್ತಿರ ಇರುವ ಕೃಷ್ಣರಾಜ ಸಾಗರ- ’ಕೆ. ಆರ್. ಎಸ್.’ ಅಥವಾ ಬೃಂದಾವನ ನೋಡಿ ಬೆರಗಾಗದವರು ಯಾರು? ಇದು ಗಾತ್ರದಲ್ಲಿ ಪ್ರಪಂಚದಲ್ಲಿಯೇ ಎರಡನೆಯದು. ಇದರಿಂದ ಒಂದು ಲಕ್ಷ ಇಪ್ಪತ್ತು ಸಾವಿರ ಎಕರೆಗಳಿಗೆ ನೀರು. ಸಾವಿರಾರು ಊರುಗಳಿಗೆ ಮತ್ತು ಹಳ್ಳಿಗಳಿಗೆ ವಿದ್ಯುಚ್ಛಕ್ತಿ. ಮಾಡುವ ಕೆಲಸವನ್ನು ಸ್ವಲ್ಪವೂ ಲೋಪ ಮಾಡದೆ ಮುಗಿಸಬೇಕೆಂಬ ನಿಶ್ಚಯದ ಆ ನಾಯಕರು ಭಾರತರತ್ನ ಡಾಕ್ಟರ್ ಸರ್ ಮೋಕ್ಷಗುಂಡಂ ವಿಶ್ವೇಶ್ವರಯ್ಯನವರು. ಸಾಮಾನ್ಯವಾಗಿ ಜನ ಅವರನ್ನು ಕರೆಯುತ್ತಿದ್ದುದು ’ಸರ್ ಎಂ. ವಿ.’ ಎಂದೇ.
’ಸರ್ ಎಂ. ವಿ’ ಅವರ ಕಥೆ ಇಲ್ಲಿದೆ.